Просим молитв о здравии: болящего протоиерея Арсения, болящего протоиерея Георгия, болящей матушки Галины, болящего протоиерея Даниила, болящего диакона Сергия, иерея Владимира, болящей матушки Инны, болящего алтарника Романа, болящего алтарника Артемия.
МОЛИТВА О ВРАЧАХ
Призри Владыко Человеколюбче на жертвенный подвиг врачей наших, посли им здравие непоколебимое, силу и крепость духа, мудрость к совершению трудов во благо народа нашего и сотвори чрез них исцеление страждущим рабом Твоим, прилежно молим Ти ся скоро услыши и помилуй.
МОЛИТВА ВО ВРЕМЯ ГУБИТЕЛЬНОГО ПОВЕТРИЯ И СМЕРТОНОСНОЙ ЗАРАЗЫ
Господи Боже наш, услыши ны, грешныя и недостойныя рабы Твоя, с высоты святаго Престола Твоего, благость Твою грехми своими прогневавших и милосердие Твое от себе удаливших. Не взыщи с рабов Твоих, и отврати страшный гнев Твой, праведно на ны движимый, утоли пагубное наказание, отрини меч Твой страшный, невидимо и безвременно нас поражающий, и пощади убогия и слабыя рабы Твоя, и не обрекай на смерть души наша, в покаянии прибегающия с сокрушенным сердцем и со слезами к Тебе, Богу Милосердному, мольбам нашим внимающему и покаяние подающему. Яко у Тебе Единого милость и от Тебе спасение, Боже наш, и Тебе славословие приносим, Отцу и Сыну и Святому Духу, ныне и присно и во веки веков. Аминь.
МОЛИТВА ВО ВРЕМЯ РАСПРОСТРАНЕНИЯ ВРЕДОНОСНОГО ПОВЕТРИЯ ЧТОМАЯ
Господи Боже наш, не вниди в суд с рабы Твоими, и огради нас от губительнаго поветрия на ны движимаго. Пощади нас смиренных и недостойных рабов Твоих в покаянии с теплою верою и сокрушением сердечным к Тебе милосердному и благопременительному Богу нашему припадающих и на милость Твою уповающих.
Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
МОЛИТВА О БОЛЯЩИХ
Ско́pый в заступле́нии Еди́н сый, Хpисте́,/ ско́pое свы́ше покажи́ посеще́ние стра́ждущим раба́м Твои́м (стра́ждущему рабу́ Твоему́, стра́ждущей рабе́ Твое́й),/ и изба́ви от неду́г и го́pьких боле́зней;/ и воздви́гни во е́же пе́ти Тя и сла́вити непpеста́нно,// моли́твами Богоpо́дицы, Еди́не Человеколю́бче.
#ВознесенскийХрамРязань #ChurchofAscensionofChristRyazan
